Vil boikotte Disney-film

Disneys nye storfilm «Alice i Eventyrland», står i fare for å verte boikotta. Europeiske kinoar liker nemleg ikkje at Disney vil korte ned tida mellom kino-premieren og DVD-utgjevinga.

Disney planlegg nemleg å lansere filmen på DVD mindre enn tre månader etter at den har hatt premiere på kino. Det har fått kinoar i blant anna Storbritannia og Nederland til å setje seg på bakbeina. Vanlegvis kan kinoane snurre film i overkant av fire månader før publikum får tilgang på den på DVD.

Ein månad kortare med eksklusiv kinovisning, er dyrebar tid for kinoane, meiner programdirektør i Oslo kino Christin Berg.

NRK Nyheter